Dérièr in regar, in kas kolé: in kas tèt.
La boush i koz mé lo kouraz té mank.
In latirans fisik dérièr in shok élektrik dann kèr.
La boush i koz mé i fo lo kèr i suiv.
Dan la dans' i dans'?
Sot lo pa? Pran lo risk perd tout?
Pran lo risk fé in lérèr?
Pran lo risk sèm larm?
Pran lo risk rant an mod soufrans?
Larézon lé pa touzour in bonkonséyèr.
Mé lamour défoi i fé pay ali tro shèr.
Pou in shapit' ouvèr kombien i fo fermé?
Pou rod in mod bonèr kombien larm i fo fé koulé?
Si shak zour i pass i sufi son pènn.
Shak zour i rest i amènn kan bonèr?
Aucun commentaire:
Enregistrer un commentaire