Batay kok!

 

Kom in kok dann ron mon zargo i point.

Mon tèt lé rouz.Mon shévé i dress si mon tèt.

Pa manir shap lo mayi tout domoun i vey amoin.

Paré pa paré i fo mi fons dann ta.

Domoun i koz, i kri, i ral lo kont.

Mon zorey lé boushé ek tout zot dézord.

Asoir mi vé pa rèst aterla.

Kou d’bek kou’d pié mi larg dann ta.

Mi boir mon fièl mi krash mon zamal

Mi vé pa mor! Amoin mèm kapor!

Ma la manz mayi lor ek mon mazigador.

Banm ! Kalou banm ! Banm ! Kalou banm !

Mon kèr i bat for kom la po tambour!