dimanche 8 novembre 2015

Fénoir la limièr!


Dann sosiété modern i fo mont déor
Na poin person i vé voir anndan.
Si lo fri lé rasi, lé piké, lé krazé, lé mor
I fo pa fé voir sa inn tiork.
Dann blan kèr, fénoir la poin son plas.
Gard sa pou ou losoir pou out kaz.
Ou va tir out pla manzé
Alim télé pou pa manz tousèl
Ali mèm va boush out zié.
Limièr lanuit va avèg aou
Sitantelman ou va fors télé
Pou pa antann out kèr bat for
Telman for dann out dé min.
Soley i lèv ali mèm out sovèr.

Aucun commentaire:

Enregistrer un commentaire