TRAKA!

Dan limièr in nuit in marmay la pou pléré.

Son papa asoir i dispit ek son momon.

Lo rom la ran ali fou.

Son kozé malfondé, son ladilafé

Son kar tipik la ékri dann liv la dilafé.

Li na bo boush son zié,

Son dé zorey i antan tout kalité mo.

Son momon i vé pa plèr dovan li,

Zis fé ferm la boush son bonom

Pou son zenfan gign dormi.

Domin nana lékol!

Boug la napi rézon,

Lalkol la abouti son kèr

Lo vèr la pik son lespoir.

Napi inn tiork i pran si li:

Kozman bon ou mové

Parey dolo si fey sonz.

Aforstan lo kèr marmay la ek son momon la sèré.

La sèk, napi santiman pou boug la.

Napi papa, napi mari.