Ekout pa out kèr, out rézon sinonsa out dérézon.
Kom in kabay tro larz pou ou.
Tanto dan out vi ou flot, tanto ou koul , tanto ou dékol.
Niabou frot', frot' out koko ek out dé min.
Out pansé i dovien pa pli klér ni i éfas.
Napoin rien i ralim ti fanal dan fon out zié.
Ziska out dé larm i vé pi koulé.
Ou voudré kronm la vi mé kom si on diré out dan lé tro tann.
San gou ni santiman ou aval zour é nuit'.
Ou gard dovan pou esaiy atrap domin.
Li fil ant out doi kom in limièr soley.
I fo mié la pli i tonm for pou ratrap somey.
Linstan ral in karang mazinasiyon i rèv tousèl
San ou dan in bordaz in li tro gran.
Mi rèv in dodo kom ti baba tann.
Mi rèv, mi rèv, mi rèv...
Aucun commentaire:
Enregistrer un commentaire