Mon kor san gou ni santiman
I krash in dou venin.
Si kalbass i suiv la rasinn.
Lamour lé dou pa dan mon kaz.
Margoz tro dou koté ou.
Si tamarin vert an rougay lavi.
Piman napi pou lavi an tapenak.
Lamour, konfitir la donn pou koshon.
An boudin mon larm losan i koul.
Lodér brilé in paradi perdi.
Do bwa ver i boukann mon manzé pou lo kèr.
Kom pou tizann amwin ankor.
Si la pa mor, lé pa loin.
La kaz amwin mi dodo pi.
Mon kaz an nik pa moulalé.
Mon ménaz i tonm an chato la sab.
Dolo la mandoz i amport tout.
Lorizon kasé tro lwin pou mwin.
Mon min i karess mon koko.
Lot i sèr mon kèr an doulér.
Pou pa li arèt bat...
Aucun commentaire:
Enregistrer un commentaire