Di amoin wi...

Di amoin wi, di amoin non?
Réponn amoin....
Farfouiy pa mon kér ek lo mo...
Pou fé exploz amoin dann konfisiyon.
Di amoin wi, di amoin non?
Si fransh vérité i fé mal...
Mansonjeri i fé ankor plis.
Dann wi napoin batay...
Dann somanké na lespoir...
Dann non néna son somin kroi.
Di amoin wi, di amoin non?
Nouri pa la ver pou pik mon kér.
Karess pa moin ek in  fo lespoir.
Shagrinn pa moin ek kozman domiel.
Di amoin wi, di amoin non?
Mon dé larm riskab koulé.
Mon kér riskab pa komprann.
Mon lespri riskab pran la kolér.
Di amoin wi, di amoin non?
Koz ek moin less pa silans
Sèm lo grin pou larm perlé...
Di amoin wi, di amoin non?
Detak la lang  avan mon kér i aret bat.
Di amoin wi, di pa moin non !