Donn out kér...

Ou di ou la pér...
Ou la finn tro pléré...
Tro fwa out kér la séniyé.
Ou la tro émé...
Ou la tro fé konfians.
Ou vé pi soufér...
Pourtan ou lé zamé sir riyn.
Regret pa avwar émé... regret pu émé.
Regrét pa pléré zordi si iyér ou la émé é ou té émé.
Regrét domin kan ou va pléré akoz ou iyém pu ou alor ou lé pu émé.
Regrét pa pléré si iyér ou la ri.
Regrét pa doulér la zanm kan la vey ou la defoulé.
Refuz pa monté akoz dériyér i fo ardesann.
Refuz pa lamour i rouv son bra  pou kapay aou.
Refuz la énn i vé amar out kér.
Refuz la pér i fé tranm aou.
Refuz lo dout i anpesh aou avansé.
Pran la min i vé brat aou.
Donn la zou la boush i vé piouk aou.
Dann out po la min i ve karess aou.
Donn out dan  kozman i fé ri aou.
Donn out zorey kozman lamour domiél.
Donn out kér pou partaz lamour.