Lavi va kraz mon kér...

O...la viiii ...monmon! O... la viiiii ...  papa!
O.... La vi va kraz mon kér!

O ma la fé mon shwa monmon.
O mi demann pa personn juj amwin.
Ma la pwin lo rév amérikin.
Mwin napwin rév pou vann.
Mi vé jist ét mwin.
Amwin kom karia mi kromm la vi par tout bout.

O...la viiii...monmon! O... la viiiii...  papa!
O.... La vi va kraz mon kér!

Mi giynn pa rest an plas...
Mi giynn pa kontant amwin  agard mon zonbriy.
Napwin limit... kan i fo batay mi batay.
Napwin limit... kan mi iyém mi iyém.
Napwin limit... kan i fo donn la min mi donn.

O...la viiii ...monmon! O... la viiiii...  papa!
O.... La vi va kraz mon kér!

In zourné tro kourt pou fé sat néna pou fé.
Inn vi mi nora pwin tro pou mwin viv.
Mi kour apré mon tan...
Mi démay  fil mon vi.
Souvan riskab mwin va tonbé
Mé touzour ma arlevé.
Rod pa mwin ousa mi lé.
Kan ou krwa mwin lé la...
Mwin s'ra finn ariv lot koté.

O...la viiii...monmon! O... la viiiii é...  papa!
O.. Lavi va kraz mon kér.

Mi kour pou kapay vitman  lavi dann linstan prézan.
Si fo rir na ri...
Si fo pléré na pléré...
Si fo dansé na dansé...
Si fo santé na santé...
Si fo lévé na lévé...
Si fo pousé na pousé...
Si fo travay na travay...
Ma pran lo méiyér touzour pou éfas mon larm.

O...la viiii ...monmon! O... la viiiii ...  papa!
O.... La vi la kraz mon kér!