2017
s'en va.... Vive 2018. Vous comme moi, je le suppose, vous aurez vécu
pleins de moments forts en 2017. Année traversée tantôt par les rires,
les larmes, l'espoir, la déception, les échecs, les réussites et plus
encore. Pourtant malgré tout cela, à l'aube de l'année 2018, on sait que
la vie n'est qu'un éternel recommencement car le combat pour vivre ne
s’arrête jamais. Malgré qu'on ne soit jamais sûr d'avoir les "armes"
qu'il faut pour mener à bien cette bataille, aux allures de Sisyphe par
moment, il faudra toujours lutter pour vivre. Lutter pour garder sa
santé, lutter pour travailler, lutter pour apprécier chaque instant de
bonheur éphémère, lutter pour sa liberté, lutter contre nos peurs,
lutter pour ne pas se perdre et semer autant d'amour que possible à nos
proches, lutter pour ne pas se faire pervertir et perdre de vue
l'essentiel... Il nous faudra surtout et toujours dans ce monde de
compétition devenu perpétuel apprendre à être aussi bienveillant avec
soit qu'avec les autres. L'HOMME est un être imparfait et souvent
contradictoire avec lui même
aussi soyons en cette nouvelle année 2018 bienveillant avec nous
même...Nul n'est parfait, nul ne peut tout réussir. De nos peines, de
nos échecs, de nos réussites il y aura toujours une leçon à en tirer. A
partir du moment où on fera les choses avec sincérité et bienveillance,
humilité et respect il ne pourra rien nous arriver si ce n'est d'être ce
qu'on a envie d'être. Un être libre d'agir en fonction de sa conscience
et de ses valeurs est un être vivant qui ne se laisse déborder par
aucun dogme religieux ou politique car l'essentiel restera toujours pour
lui les valeurs humanistes d'un monde libre et bienveillant.
BONNE ANNÉE 2018 BIENVEILLANTE! dimanche 31 décembre 2017
dimanche 24 décembre 2017
Noël touzour Lamour!
Lo tan lavé pasé, Tizan lavé grandi mé Tizan navé in moman li té rat' zamé in lokaziyon sé Noël. Li té èm zour-là agard son famiy malgré tout problèm watia watia ansanm pou manz in bon manzé mé sirto agard lo zié marmy i briy kan Papa Noël i ariv ek son b2rtel rampli kado.
Sat personn té koné pa sé Papa Noël sété Tizan té dégiz ali pou fé plézir tout son famiy. Li té in pé dézorder, ravazer, i gingn pa rest trankil tout lané mé li navé kan mèm bon kèr.
Mé lané-là Tizan té an traka, kou kongn dann kèr la fé mal ali, traka la vi li vid son posh é li té shagriné pa gingn fé kom li navé son labititid. Li gingn arpa kontant tout domoun.
Alor Tizan i di pou inn foi sé li va rakont in zistoir, pa in zistoir la maliss ni la kouyoniss mé in zistoit pou lo kèr tout domoun li tèm èm.
Li la fé assiz bana é li la lir son zistoir pou shakènn.
Promié tekS té pou son ti fiy, son ti baba, son ti zarlor.
Aprésa li la tourn ali ver son momon, son zarboutan, son respirasiyon. Bana i koné azot parkèr gign pa tro kashièt in zafér inn è lot. Lé vré lané là Tizan té pa tro souvan là mé kom zoizo i kashièt pou mor, bonom i kashièt ppu pléré épi li té vé voir traka dann zié son momon.
Li la essaiy agard son momon dann zié pou lir teks li lavé ékri pou el dann in sertin tan.
Momon in sél ker pou nou marmay.
Momon aou mèm zarboutan nout vi.
Momon out vi an sakrifiss ou la fé pou nou.
Momon kombien foi ou la pass dovan.
Momon kosa ou la pa fé pou bien diriz anou.
Momon si ou té pa la kosa nou noré fé.
Momon dann out malèr épouz ou la esay fé bonèr out zenfan.
Momon ti zanfan ti pènn gran zenfan gran traka.
Momon voir aou ri in plézir pou moin.
Momon moin nora zamé asé romersi aou.
Momon dan out zié sé nout vi i défil.
Momon aou mèm nout zarlor.
Momon kan ou plèr mon kèr i sèr.
Momon kan out kèr i ral problèm lé pa loin.
Momon ma pa bezoin kozé ou koné.
Momon lé vré nou ambrass pa nou.
Momon lé vré ni koné pa di "mi aim aou".
Momon nou la pa aprann fé kalin mé jest' lamour té pli for.
Momon san ou la vi noré pa été parey.
Momon in zour, momon toultan!
Si mi mor koup gato mon plas...
Si mi mor kraz in maloya pou moin...
Si mi mor shant in pé pou moin..
Si mi mor zoué in pé domino pou moin..
Si mi mor fé koul in ti kafé pou moin...
Si mi mor voiyaz in pé pou moin..
Si mi mor lèss la lang bat...
Si mi mor gaspi pa larzan dann serkeiy...
Si mi mor ambrass amoin in kou...
Si mi mor véiy si mon ti zarlor...
Si mi mor fé kado mon kor..
Si mi mor mi fé kado azot mon vi..
Si mi mor kontiniyé batay pou lessensiyèl...
Si mi mor oubli pa moin tro vit'..
Si mi mor brat azot pou èm azot...
Si mi mor véiy inn si lot...
Si mi mor mi s'ra zamé bien loin...
Si mi mor ma kontiniyé véiy si zot...
Si mi mor oubli pa mi té èm azot...
Si mi mor plèr pa tro, lèss shagrin alé...
Si mi mor mazinn domin gard pi dériyèr...
Si mi mor lèss la vi viv ankor...
Si mi mor... lo pli tar possib'
Lané-là té difisil pou Tizan mé dann son malisé li navé trouv bann dalon osi pou donn ali la min pou pa rest dann malisé, dann traka.
Bana la gingn zot ti kozman...
Dalon néna soir komsa mi noré anvi ou lé pa loin pou moin voir aou.
Dalon néna soir komsa ousa out bon kèr i mank amoin.
Dalon néna soir komsa ou out linsousians noré tir amoin in rir transh papay.
Dalon néna soir komsa ou mi noré bezoin aou mèm in gran zourné.
Dalon néna soir komsa mi noré bien refé "le monde" ek ou.
Dalon néna soir komsa ousa out bann ti blag bien plasé noré bien remèt amoin droit.
Dalon néna soir komsa mi gingn pa pran téléfonn pou koz ek ou.
Dalon néna soir komsa ou noré trouv in solisiyon mêm pou fé arèt la pli.
Dalon néna soir komsa dann rosh ou noré tir dolo.
Dalon noré soir komsa avan mi koz ou noré fine lir an moin.
Dalon noré soir komsa ou s'ré plis mon dalon.
Dalon noré soir komsa mi noré oublié pou kosa ma la ni voir aou.
Dalon noré soir komsa mi koné akoz nou lé dalon.
Dalon noré soir komsa ousa ou mank amoin.
Dalon noré soir komsa dalon lavi s'ré diféran.
Dalon noré soir komsa la nuit s'ré pli kourt.
Dalon noir soir komsa zétoil noré tro briyé.
Dalon noré soir komsa mi noré bien plèr dan out bra.
Dalon noré soir komsa ousa mi rod aou plis ankor.
Dalon noré soir komsa, noré dalon komsa....!
Plis Tizan té rakont plis son kèr té gro mé an mèm tan li té kontan akoz touzour li ésaiy partaz son gayar ek tout bana...
Tizan la di bana zoiyé Noël é li la donn shakinn son teks an souvnans pou kado.
Aprésa Tizan i di: "Zistoir ma la rakont azot, sa zistoir mentér si lé vré pa li lotér, moin la rakont azot sa pou plézir mon boush ek zot zorey..." Apré zot i pran kom zot i vé...
Kriké! Kraké!
dimanche 17 décembre 2017
Atiz lanvi...
Asiz aterla kom in stati.
Out regar té get o loin.
Kom si ou té atann keksoz.
Pa in mo pa in jest.
Pa mèm in souf lovan pou fé tranm out zié.
Ou té là san Èt là.
Ou té kestiyonn
Plito répons ou té aport.
Pourtan ou la pa demann riyn.
Out silans té fé plis dezord lavil.
Pa normal in boug i rest san boujé.
Pa normal rest san Kozé
Pa normal rest san manjé boir.
Pa normal é Pourtan si.......
Li demann pa riyn zist asiz....
Aprési.... Réfléshi... Agard dovan li... Fé lo vid.... Respiré....
Out regar té get o loin.
Kom si ou té atann keksoz.
Pa in mo pa in jest.
Pa mèm in souf lovan pou fé tranm out zié.
Ou té là san Èt là.
Ou té kestiyonn
Plito répons ou té aport.
Pourtan ou la pa demann riyn.
Out silans té fé plis dezord lavil.
Pa normal in boug i rest san boujé.
Pa normal rest san Kozé
Pa normal rest san manjé boir.
Pa normal é Pourtan si.......
Li demann pa riyn zist asiz....
Aprési.... Réfléshi... Agard dovan li... Fé lo vid.... Respiré....
Viv kom li lavé anvi gran matin.
Asiz kom in pansèr Rodin out tèt ant out dé min ou mazin ièr.
Zordi larm out pléré, lamour lé déja loin.
Oui, lamour touzour!
Pèz lo pour é pèz lo kontr.
Si la nuit' i suiv lo zour
Détroi i komt zot lamour si in komt-tour kan lokèr i rest sour.
Lo bann kri i disparèt dan la nuit kom pou réklam in sirsi.
In lespoir, in soufl lavi.
Atiz lanvi ziska linfini.
Ramèn ek in prièr lètr shèr, léjé é sinsèr kom in flér...
Akoz mi avou mi lé jéné...
Asiz kom in pansèr Rodin out tèt ant out dé min ou mazin ièr.
Zordi larm out pléré, lamour lé déja loin.
Oui, lamour touzour!
Pèz lo pour é pèz lo kontr.
Si la nuit' i suiv lo zour
Détroi i komt zot lamour si in komt-tour kan lokèr i rest sour.
Lo bann kri i disparèt dan la nuit kom pou réklam in sirsi.
In lespoir, in soufl lavi.
Atiz lanvi ziska linfini.
Ramèn ek in prièr lètr shèr, léjé é sinsèr kom in flér...
Akoz mi avou mi lé jéné...
Fé kom si rien lété
Koz ek ou la pli ek soley.
Di aou in bonzour an dalonaz.
Mon zié i briy ankor pou ou.
In parfin tro for dann mon souvnir.
Zimaz i remont farfar mon ker.
Pa fasil dekroshé pou oublié.
Out min i frole la mienn an frison.
Out po i ral amoin pou piouk piouké.
Out voi i gazouiy dann fon mon zorey.
Koz ek ou la pli ek soley.
Di aou in bonzour an dalonaz.
Mon zié i briy ankor pou ou.
In parfin tro for dann mon souvnir.
Zimaz i remont farfar mon ker.
Pa fasil dekroshé pou oublié.
Out min i frole la mienn an frison.
Out po i ral amoin pou piouk piouké.
Out voi i gazouiy dann fon mon zorey.
dimanche 10 décembre 2017
In matin ....
In matin lovan i shanj...
Ou té voi moin tégor...
Ou té voi moin kapor...
Ou té voi moin gabié...
Pourtan aforstan lo poi...
Mon do i pli...
Mon do té pu larj...
Moin osi mon tash la rouiy...
Moin osi mon fébléss...
Mi té renons...
Mi té less alé...
Mon figir té ferm...
Mon sourir té éfass...
Mon janm té tranm...
Mon kér i sek...
Mon zié i koul...
Pu anvi levé...
Pu anvi fé lefor...
In lanvi léss alé...
In lanvi arét batay...
Léss tout koulé....
Ariv sat na pou arivé...
Lé pu pou moin...
Mon kadav an zosaiy...
Mon figir mal rasé...
Mon shévé mal péniyé...
Mon linz krazé...
Mon fors té mon fébléss....
Ou té voi pa....
Ou té voi moin tégor...
Ou té voi moin kapor...
Ou té voi moin gabié...
Pourtan aforstan lo poi...
Mon do i pli...
Mon do té pu larj...
Moin osi mon tash la rouiy...
Moin osi mon fébléss...
Mi té renons...
Mi té less alé...
Mon figir té ferm...
Mon sourir té éfass...
Mon janm té tranm...
Mon kér i sek...
Mon zié i koul...
Pu anvi levé...
Pu anvi fé lefor...
In lanvi léss alé...
In lanvi arét batay...
Léss tout koulé....
Ariv sat na pou arivé...
Lé pu pou moin...
Mon kadav an zosaiy...
Mon figir mal rasé...
Mon shévé mal péniyé...
Mon linz krazé...
Mon fors té mon fébléss....
Ou té voi pa....
Ou té mazinn pa...
Mi té sava...
Mon rout té arét là...
Ni dovan ... Ni dériér...
Mon sorti té lá...
Mintenan.... Aster.... Toutsuit...
Lovan la souf amoin...
Lovan lavé shanj direksiyon...
In matin...In soir... Dan in linstan...
Mi té finn alé...
Mi té sava...
Mon rout té arét là...
Ni dovan ... Ni dériér...
Mon sorti té lá...
Mintenan.... Aster.... Toutsuit...
Lovan la souf amoin...
Lovan lavé shanj direksiyon...
In matin...In soir... Dan in linstan...
Mi té finn alé...
dimanche 3 décembre 2017
Lavi la perd amoin...
Lavi la perd amoin...
Kel tras pou moin...
Kel tras apré moin...
In lémosiyon, in santiman...
Apré mon vi.. mon mor...
Apré mon mor kel vi...
La vi la perd amoin...
La vi , la mor in lobsésiyon...
Abandonn lavi pou la mor...
Abandonn la mor pou viv...
Mi tras mon vi...
Viv pi dan la pér mor...
Lavi la perd amoin...
Kosa ni fé pou viv...
Kosa nou lèss lavi...
Koman nou mènn lavi...
Koman nou trèt lamor...
Néna in sèl somin...
La vi la perd amoin...
Renons pa zordi...
Renons pa domin...
Renons pa viv out vi...
Lavi la perd amoin...
Lavi la pèr amoin...
Lamor la pèr lavi...
Lavi la pèr lamor...
Mi vé mor apré mon vi...
Mi vé lèss in tras pou lavi...
Lavi la trouv amoin...
Nou viv in sel foi.
Nou mor in sel foi.
In sel vi pou in sel destin.
In takon port pou rantré.
In sel pou sorti.
Lèss amoin alé, alé loin mém.
Napi kolér, napi doulér.
Remont lo tan e mi désann la pant.
Anter amoin vivan pou pièj la mor.
Lavi, lavi in lalé san retour.
In détour su shemin lamor.
Kel tras pou moin...
Kel tras apré moin...
In lémosiyon, in santiman...
Apré mon vi.. mon mor...
Apré mon mor kel vi...
La vi la perd amoin...
La vi , la mor in lobsésiyon...
Abandonn lavi pou la mor...
Abandonn la mor pou viv...
Mi tras mon vi...
Viv pi dan la pér mor...
Lavi la perd amoin...
Kosa ni fé pou viv...
Kosa nou lèss lavi...
Koman nou mènn lavi...
Koman nou trèt lamor...
Néna in sèl somin...
La vi la perd amoin...
Renons pa zordi...
Renons pa domin...
Renons pa viv out vi...
Lavi la perd amoin...
Lavi la pèr amoin...
Lamor la pèr lavi...
Lavi la pèr lamor...
Mi vé mor apré mon vi...
Mi vé lèss in tras pou lavi...
Lavi la trouv amoin...
Nou viv in sel foi.
Nou mor in sel foi.
In sel vi pou in sel destin.
In takon port pou rantré.
In sel pou sorti.
Lèss amoin alé, alé loin mém.
Napi kolér, napi doulér.
Remont lo tan e mi désann la pant.
Anter amoin vivan pou pièj la mor.
É
En savoir plus : http://www.gentside.com/clavier/comment-faire-un-e-un-a-un-c-et-toutes-les-majuscules-avec-accent_art74779.html
Copyright © Gentside
Ém amoin vivan pou détest amoin mor. En savoir plus : http://www.gentside.com/clavier/comment-faire-un-e-un-a-un-c-et-toutes-les-majuscules-avec-accent_art74779.html
Copyright © Gentside
Lavi, lavi in lalé san retour.
In détour su shemin lamor.
dimanche 26 novembre 2017
Tout désisiyon...
Ou té là asiz dann milié lanuit antrinn mazinn somin ou té fé pass out vi.
Tout désisiyon na son konsékans ek son poi.
Dé foi li péz aou atér ou sinonsa li fé plann aou léjé kom lo van.
Ou koné i fo alé touzour plis dovan,lèv out tèt, arèt gard an ariyèr.... Pourtan....
Pourtan kan lo dout i fé sér out kér,kan traka i amar out lespri...ou pli mé ou vé pa largé.
In takon foi ou la léss plis dé larm koulé akoz demin sirman ou té aspér ou va mié gout plézir pét a rir.
Tout sanzman i fé pér.
Renons in konfor pou in petét, in somanké i fé tranm out lespri kom out kor.
Lo bann konséyér lé pa lo bann péyér...
Alor ou prét out zorey pou akout bana mé ou koné na riynk ou mèm va fé lo shwa.
Alor....
Soméy trap amoin ral amoin domin dann in rèv.
Akoz zordi i fé fé amoin mové rév.
Alor...
Kan soley s'ra là donn amoin la fors pou lévé.
Kan soley s'ra là shof mon kér pou fé bouyionn mon vi.
Alor...
Kan lovan va souflé anport loin malizé ek li.
Kan lovan s'ra la amènn amoin loin loin mèm.
Alor...
Kan la pli va grenn son shaplé, pri pou moin.
Kan la pli va mouiy amoin li va étenn dofé mon kolér.
Alor...
Kan mon siklonn s'ra finn pasé... kassé brizé... S'ra tan pou arkonstri.
Parsk in zour shass lot...
Parsk inn min lav lot...
Parsk in prété pou in randu...
Parsk inn foi i apel in ot foi...
Parsk in zour i apel domin.
Tout désisiyon na son konsékans ek son poi.
Dé foi li péz aou atér ou sinonsa li fé plann aou léjé kom lo van.
Ou koné i fo alé touzour plis dovan,lèv out tèt, arèt gard an ariyèr.... Pourtan....
Pourtan kan lo dout i fé sér out kér,kan traka i amar out lespri...ou pli mé ou vé pa largé.
In takon foi ou la léss plis dé larm koulé akoz demin sirman ou té aspér ou va mié gout plézir pét a rir.
Tout sanzman i fé pér.
Renons in konfor pou in petét, in somanké i fé tranm out lespri kom out kor.
Lo bann konséyér lé pa lo bann péyér...
Alor ou prét out zorey pou akout bana mé ou koné na riynk ou mèm va fé lo shwa.
Alor....
Soméy trap amoin ral amoin domin dann in rèv.
Akoz zordi i fé fé amoin mové rév.
Alor...
Kan soley s'ra là donn amoin la fors pou lévé.
Kan soley s'ra là shof mon kér pou fé bouyionn mon vi.
Alor...
Kan lovan va souflé anport loin malizé ek li.
Kan lovan s'ra la amènn amoin loin loin mèm.
Alor...
Kan la pli va grenn son shaplé, pri pou moin.
Kan la pli va mouiy amoin li va étenn dofé mon kolér.
Alor...
Kan mon siklonn s'ra finn pasé... kassé brizé... S'ra tan pou arkonstri.
Parsk in zour shass lot...
Parsk inn min lav lot...
Parsk in prété pou in randu...
Parsk inn foi i apel in ot foi...
Parsk in zour i apel domin.
dimanche 19 novembre 2017
Déli!
Lobjé out dèli sé desir touzour plis.
Aprann kontant aou sat ou néna in tourman pou ou.
Pourtan ou lé pa conpliké dan out domann.
Ou kour apré lo bonér dann in reshersh san fin.
Ou èm la vi... Sirman in pé tro nafoi.
Alor kom pou in komblaj ou di zamé non.
Alor Ou kour kom pou évit rest ek ou mém!
Lo mank, la pér lo vid i ravinn out lespri.
Pran lé shoz kom zot i vien pa sat ou voudré zot i lé.
Etinn mashinn pou pansé pou jist viv.
Lésansièl lè la dann kré out kèr...
Soiyn ali,nouri ali pou fé pou pouss lanvi lavi.
Sèm lespwar dann siyon somin out vi.
Ali mèm out garanti kont malizé traka.
Tout tonbé i fé mal, i ekorsh aou à vif.
Alor debout! Lo kor va trouv son gérizon ti bout ti bout.
Lo doulér s'ra là, touzour là...
S'ra zamé pli kom avan sirman.
Lamour...shagrin! Shagrin... lamour! Inn i suiv lot kom lo zour... la nuit...!
Dan in dans aou mèm i donn lo tempo.
Trap, brat dans san zamé arété mèm si napi mizik!
Aprann kontant aou sat ou néna in tourman pou ou.
Pourtan ou lé pa conpliké dan out domann.
Ou kour apré lo bonér dann in reshersh san fin.
Ou èm la vi... Sirman in pé tro nafoi.
Alor kom pou in komblaj ou di zamé non.
Alor Ou kour kom pou évit rest ek ou mém!
Lo mank, la pér lo vid i ravinn out lespri.
Pran lé shoz kom zot i vien pa sat ou voudré zot i lé.
Etinn mashinn pou pansé pou jist viv.
Lésansièl lè la dann kré out kèr...
Soiyn ali,nouri ali pou fé pou pouss lanvi lavi.
Sèm lespwar dann siyon somin out vi.
Ali mèm out garanti kont malizé traka.
Tout tonbé i fé mal, i ekorsh aou à vif.
Alor debout! Lo kor va trouv son gérizon ti bout ti bout.
Lo doulér s'ra là, touzour là...
S'ra zamé pli kom avan sirman.
Lamour...shagrin! Shagrin... lamour! Inn i suiv lot kom lo zour... la nuit...!
Dan in dans aou mèm i donn lo tempo.
Trap, brat dans san zamé arété mèm si napi mizik!
dimanche 12 novembre 2017
Ragoulé!
Ragoulé fé sanblan éxisté?
Ragoulé tou sèl an parmi domoun?
Ragoulé fé kom si?
Ragoulé pans pou lé ot?
Ragoulé èt touzour bien?
Ragoulé tann lamin?
Ragoulé fé lo for?
Ragoulé antann mové nouvèl?
Ragoulé aval mon kolèr?
Ragoulé la kouyonniss demoun?
Ragoulé travay?
Ragoulé dormi?
Ragoulé lévé?
Ragoulé ramass la blag?
Ragoulé sourir?
Ragoulé èt normal?
Ragoulé rest dann moul?
Ragoulé kalkil tout?
Ragoulé mèm manzé?
Ragoulé in mizèr?
Ragoulé asiz?
Ragoulé dobout?
Ragoulé marshé?
Ragoulé kouri?
Ragoulé roulé?
Ragoulé lo tan i pass?
Ragoulé i avans pa?
Ragoulé tout ti pa ti pa?
Ragoulé wati watia?
Ragoulé silans?
Ragoulé dézord?
Ragoulé lord?
Ragoulé di wi?
Ragoulé di non?
Ragoulé somanké?
Ragoulé ièr?
Ragoulé zordi?
Ragoulé domin?
Ragoulé voir amoin?
Ragoulé voir aou?
Ragoulé voir anou?
Ragoulé voir azot?
Ragoulé èt ragoulé?
Ragoulé...
dimanche 5 novembre 2017
Granmèr!
Mi souvien...
In ti bonbon rébécca aprè lékol...
In ti moné pou mon karné not...
In ti kari poulé fumé apré finn nétoiy out zardin...
In ti boudoir ek Marie Brizard promié lan...
In bouké bred médaiy pou fini lo moi..
In ti morso maniok, kambar o sik..
In ti gato fagoté ek sat navé...
In ti ver coca glasé...
In ti café la grég...
Dé min banann pou moin ramèn lakaz.
Out shapo pozé dann fotéiy..
Out ti kozman bien plasé...
Out rir kashièt derièr out min..
Out ti boit koutir ek out dé...
Out rob i shof aou touzour tro...
Out koulér pou kashièt shevé blan..
Out ban pié kapilèr an ran kom solda...
Out voi té apèl amoin "mon zanfan"...
Out linz akroshe si la lign...
Out pié pruno koté la kuizinn...
Out ti kou balié nik pou pouss féiy...
Out ti manir tienbo out sintir dann loto...
Out komba kont la maladi...
Aou out ti boushé manzé...
Aou asiz dan out plian...amoin si péron...
Aou dan out foteiy dann salon ariv in lèr...
Aou out plas réservé si la tab'...
Dernié foi ma la port aou...
Dernié foi ma la tienbo aou for...
Dernié foi ma la pléré...
Dernié foi ma la tienbo aou for...
Dernié foi ma la pléré...
Kan tout i arèt i rest souvnir...
I remont lo tan an dezord ek tout son wati watia...
Tout i ramènn amoin tanto ver ou.
In zarboutan pou moin toultan.
Marmay ek papa noël té kri aou mémé...
Pou nou ou té nout gran mèr...
Granmèr... Granmèr... Granmèr...!!!
Marmay ek papa noël té kri aou mémé...
Pou nou ou té nout gran mèr...
Granmèr... Granmèr... Granmèr...!!!
dimanche 29 octobre 2017
IN LANGAZMAN POU MON PEÏ !
Soumisiyon
dann prékarité sa mèm soufrans mon pèp.
La
tir son lavnir dan son min pou mié piétinn son présan.
Kom
i voudré anfons anou i donn anou dann modernité pou voir, pou révé.
Mé
i lèss anou dann in bidon-lavil i koul an panié persé.
Nout
kor an luil sa mèm siro pou sat i vé control mon pèp.
Plis
nou lé atèr : plis li lé anlèr plis li plish anou !
In
langazman pou di marmay lé pa kondané asiz dovan in boutik...
Ou
supli in boug politik pou in ti kontra pou in vi bankal.
In
langazman pou di nou lé pa kondané anvoy tout marmay ek
in pé linstriksion dan peï gouyav déor.
In
langazman pou fé in gran plas pou li, pou li fé soutien famiy son
pèp lé mavouz.
Tout
sat lé bon anvoy déor ! Sat lé malad soiyn pa li !
Sat
lé bon i vé rest terlà arèt pèz ali atèr ! Foutor !
Asé
bon pou viv partou su la tèr.Mé pa asé bon pou viv é dévlop son
péi.
Sufizaman
malad pou port anlèr in bann profitèr (profit’ mon tèr).
In
langazman pou remèt lespoir dann zié kréol !
In
langazman pou éfass anprint' résignasiyon dann son min !
In
langazman pou ardonn volonté kroir in ot destiné lé posib’!
In
langazman pou mazinn an réiyoné é konstrui in manir viv an
réiyoné.
Mon
gongon la soufrans mon pèp i renons !
Mon
gongon lespoir kan réiyoné i vé exis par li mèm !!
I
di téori gran shanjman i gèt si Gillot...
Pandan
ou agard marmay anbarké pou déor...
Arèt
rouv lo bra pou kolié flér pou Jean Marine...
Pa
kabab batay solidér pou zot marmay !
Mé
té kapab mèt dofé lo san pou in télé..
Kapab
koz dann tant an zourné si in radio...
Kontinié
bat la min pou misié lo mèr...
Pandan
s'tan là kabri kontinié manz salad...kabri kontinié manz salad...
Kontinié bat la min présidan réziyon...biyé lavion kom ti pin pou alé gard
marmay lot koté lamèr...
Kontinié
bat la min tati va okip laras nout gramoun dan son kaz... ?
Sosiété
vol an lèr anterman promièr klas pou son pèp...
In
langazman fé pout out péï kansa... ?
Kan
ou néna pou gagné ?
Kansa
ou arèt fié si baton gran pèr pou avans par ou mèm!
In
langazman fé pou out péï kansa...
Kan
tout nout marmay nora finn désot lamèr...
Kan
si la tèr ou lé né ou gingn arpi kozé...
Kan
va fé in résérv Kréol i dans maloya pou Unesco ;
In
langazman fé pou out péi kansa... ?
Kan
tout domoun va di ali osi réiyoné... In moin , in an, li vienn
rantré ali osi réiyoné pa kapab koz in mo kréol ali osi
réyoné akoz li manz kari volay?
In
langazman fé pou out péï kansa... ?
Kan
s'ra tro tar...
Kan
kok i sant arpi, kan i batay arpi dann ron ?
Kan
tambour malbar ...kaf... fé arpi dézord dann servis.
In
langazman fé pou out péï kansa... ?
Kan
nora pi lo droi rod la pay pou zanimo...
Kan
tout pwason s'ra dann lakariom sin zil ?
Kan
nout tisann s'ra rienk an boit laboutik lékler !
In
langazman pou fé pou out péi kan Laréniyon s'ra an Frans ?
In
langazman pou out péi kan ou s'ra mor ?
MON
LANGAZMAN MON PEI : Fé 20 désanm tout lané ! LIBERTE !
Mon
langazman mon péi : 52 SEMINN AN KREOL !
Mon
langazman mon péï : AMOIN!
In langazman mon péï 2017 teks réfé pou Rant Dann Ron évènman BISIK semenn Kréol 28 oktob 2017 si Sin Benwa dann ron koq.
dimanche 22 octobre 2017
Foli
Dérièr mon lér sérié
Mon foli i bouiyonn
Li digdig out lespri.
Pou ou Mon langazman in respé.
Pou ou Mon fonnkér in zoli kozman.
Pourtan Dériér mon kabay
In larmir frajil.
Komsi Deriér mon zié
In port si in posib'.
Pou ou Dan mon bra
In fors trankil i kashiét.
Deriér mon pa...
Tras shemin mon vi pasé
Ou aprosh mi rekil
Mi ve pa less amoin fé...
Lo zour ou ve émé...
Mi kour mi sava maron.
Pijon vol...
Zisroir mentér,
Pa moin lotér.
Zistoir lo ker,
Mi voi pa klér.
Mon foli i bouiyonn
Li digdig out lespri.
Pou ou Mon langazman in respé.
Pou ou Mon fonnkér in zoli kozman.
Pourtan Dériér mon kabay
In larmir frajil.
Komsi Deriér mon zié
In port si in posib'.
Pou ou Dan mon bra
In fors trankil i kashiét.
Deriér mon pa...
Tras shemin mon vi pasé
Ou aprosh mi rekil
Mi ve pa less amoin fé...
Lo zour ou ve émé...
Mi kour mi sava maron.
Pijon vol...
Zisroir mentér,
Pa moin lotér.
Zistoir lo ker,
Mi voi pa klér.
dimanche 15 octobre 2017
Di amoin wi...
Di amoin wi, di amoin non?
Réponn amoin....
Farfouiy pa mon kér ek lo mo...
Pou fé exploz amoin dann konfisiyon.
Di amoin wi, di amoin non?
Si fransh vérité i fé mal...
Mansonjeri i fé ankor plis.
Dann wi napoin batay...
Dann somanké na lespoir...
Dann non néna son somin kroi.
Di amoin wi, di amoin non?
Nouri pa la ver pou pik mon kér.
Karess pa moin ek in fo lespoir.
Shagrinn pa moin ek kozman domiel.
Di amoin wi, di amoin non?
Mon dé larm riskab koulé.
Mon kér riskab pa komprann.
Mon lespri riskab pran la kolér.
Di amoin wi, di amoin non?
Koz ek moin less pa silans
Sèm lo grin pou larm perlé...
Di amoin wi, di amoin non?
Detak la lang avan mon kér i aret bat.
Di amoin wi, di pa moin non !
Réponn amoin....
Farfouiy pa mon kér ek lo mo...
Pou fé exploz amoin dann konfisiyon.
Di amoin wi, di amoin non?
Si fransh vérité i fé mal...
Mansonjeri i fé ankor plis.
Dann wi napoin batay...
Dann somanké na lespoir...
Dann non néna son somin kroi.
Di amoin wi, di amoin non?
Nouri pa la ver pou pik mon kér.
Karess pa moin ek in fo lespoir.
Shagrinn pa moin ek kozman domiel.
Di amoin wi, di amoin non?
Mon dé larm riskab koulé.
Mon kér riskab pa komprann.
Mon lespri riskab pran la kolér.
Di amoin wi, di amoin non?
Koz ek moin less pa silans
Sèm lo grin pou larm perlé...
Di amoin wi, di amoin non?
Detak la lang avan mon kér i aret bat.
Di amoin wi, di pa moin non !
dimanche 8 octobre 2017
Kom in lanvi...
Kom in lanvi gran matin lèss amoin alé.
Kom in lanvi dansé....
Kom in lanvi ri...
Kom in lanvi shanté...
Kom in lanvi aprésié...
Kom in lanvi pa réfléshi...
Kom in lanvi pa èt sérié...
Kom in lanvi viv san langazeman...
Kom in lanvi viv san responsabilité...
Kom in lanvi viv pou lo zour...
Kom in lanvi bord traka....
Kom in lanvi in bon kari...
Kom in lanvi fé oubli amoin...
Kom in lanvi i rod pa moin...
Kom in lanvi zoué lo tégor...
Kom in lanvi fé la fèt...
Kom in lanvi èt léjé...
Kom in lanvi profit liberté...
Kom in lanvi plané...
Pourtan asoir mi rant mon tèt lé lour...
Pourtan asoir mon lespri i vavang loin...
Pourtan asoir mi rod amoin...
Pourtan asoir mi gingn pa dormi...
Pourtan asoir mi sar pa fé rèv...
Pourtan asoir kom i mank in nafér....
Pourtan asoir mi regrèt pa riyn...
Pourtan asoir kestiyon i rod son répons...
Pourtan asoir ma la èm fé sat mi té vé...
Pourtan asoir s'ra pa kom domin...
Pourtan asoir mi viv...
Pourtan asoir kom in lanvi lèss amoin alé!!
Kom in lanvi dansé....
Kom in lanvi ri...
Kom in lanvi shanté...
Kom in lanvi aprésié...
Kom in lanvi pa réfléshi...
Kom in lanvi pa èt sérié...
Kom in lanvi viv san langazeman...
Kom in lanvi viv san responsabilité...
Kom in lanvi viv pou lo zour...
Kom in lanvi bord traka....
Kom in lanvi in bon kari...
Kom in lanvi fé oubli amoin...
Kom in lanvi i rod pa moin...
Kom in lanvi zoué lo tégor...
Kom in lanvi fé la fèt...
Kom in lanvi èt léjé...
Kom in lanvi profit liberté...
Kom in lanvi plané...
Pourtan asoir mi rant mon tèt lé lour...
Pourtan asoir mon lespri i vavang loin...
Pourtan asoir mi rod amoin...
Pourtan asoir mi gingn pa dormi...
Pourtan asoir mi sar pa fé rèv...
Pourtan asoir kom i mank in nafér....
Pourtan asoir mi regrèt pa riyn...
Pourtan asoir kestiyon i rod son répons...
Pourtan asoir ma la èm fé sat mi té vé...
Pourtan asoir s'ra pa kom domin...
Pourtan asoir mi viv...
Pourtan asoir kom in lanvi lèss amoin alé!!
dimanche 1 octobre 2017
Mon péï Bato fol!
Mon péï bato fol, nout péï bato fol.
Pa in zour san larm versé.
Pa in zour san rézon explozé.
Larm lo san i koul pou in zanfan.
Dépitasiyon si gramoun malisé voir restan son vi travay.
Lo kèr gro in famiy agard son zenfan anbarké.
Lo gou lo fièl in rom i ravaz lavi.
Kombien i voi somaz gangrènn ali.
Lo kor, lespri an gongon soufrans.
Kombien i kashièt pou pléré.
Mon péï bato fol, nout péï bato fol.
Famiy dernié zarboutan i éklit bout par bout.
Maladi bondié i amar nout kor.
La di nou lé lib alé dann mond antié.
Mé kansa ni artourn nout péï.
Kansa ni fé pou nout pèp avan fé pou lé "autres".
Agard pa moin an pitié di mi lé pa ouver.
Ziskakan ni rouv mèm, nou aval tout.
Ièr la di léta fransé va sov anou misèr kom Mada, Comores.
Zordi létat Erope va sov anou misèr kom Mada, Comores.
Ziskakan va vann la misèr pou akaparér i shersh pié atèr.
Mon péï bato fol, nout péï bato fol.
Alor ni plèr nout marmay, nout famiy mor.
Alor ni plèr nout travay i soiynn pa nou.
Alor nou plèr nout péï kondané subi soufrans.
Plis mi lèv plis i bord amoin dann in koin...
Ziskakan mon péï bato fol, ziskan nout péï bato fol.
Ziskakan... Vol mon péï!Ziskakan... vol nout péï!
Ziskakan nou plér...
Pa in zour san larm versé.
Pa in zour san rézon explozé.
Larm lo san i koul pou in zanfan.
Dépitasiyon si gramoun malisé voir restan son vi travay.
Lo kèr gro in famiy agard son zenfan anbarké.
Lo gou lo fièl in rom i ravaz lavi.
Kombien i voi somaz gangrènn ali.
Lo kor, lespri an gongon soufrans.
Kombien i kashièt pou pléré.
Mon péï bato fol, nout péï bato fol.
Famiy dernié zarboutan i éklit bout par bout.
Maladi bondié i amar nout kor.
La di nou lé lib alé dann mond antié.
Mé kansa ni artourn nout péï.
Kansa ni fé pou nout pèp avan fé pou lé "autres".
Agard pa moin an pitié di mi lé pa ouver.
Ziskakan ni rouv mèm, nou aval tout.
Ièr la di léta fransé va sov anou misèr kom Mada, Comores.
Zordi létat Erope va sov anou misèr kom Mada, Comores.
Ziskakan va vann la misèr pou akaparér i shersh pié atèr.
Mon péï bato fol, nout péï bato fol.
Alor ni plèr nout marmay, nout famiy mor.
Alor ni plèr nout travay i soiynn pa nou.
Alor nou plèr nout péï kondané subi soufrans.
Plis mi lèv plis i bord amoin dann in koin...
Ziskakan mon péï bato fol, ziskan nout péï bato fol.
Ziskakan... Vol mon péï!Ziskakan... vol nout péï!
Ziskakan nou plér...
dimanche 24 septembre 2017
OU...
Soley la pa disparèt mé la pli i tonm son plas.
Nuaz i kash pa le sièl li voil zis son koulèr blé.
Lamèr lé pa démonté mé li bat zist bann vag pli for.
Lo van i souf pa pli for mé li avans pli vit labriz.
La nuit i étenn pa lo zour mé zot i suiv inn é lot.
La mor i vol pa la vi mé li kit zis lo kor.
Lo froi i anpèsh pa la shalér dann livèr.
Lanfér si i exis i anpèsh pa kroir somin paradi.
In malèr zordi i interdi pa in bonèr domin.
In lamour fané i éxis touzour kekpar.
Ou la pa trouv amoin mé nou la trouv anou.
Ou la pa rèv amoin mé ou la rèv anou.
Ou la pa èm amoin mé nou la èm anou.
Ou la pa perd amoin mé nou la perd anou.
Ou la pa plèr amoin mé ou la plèr anou.
Mèm san moin ou s'ra touzour ou.
Moin san ou s'ra pli lo mèm!
Nuaz i kash pa le sièl li voil zis son koulèr blé.
Lamèr lé pa démonté mé li bat zist bann vag pli for.
Lo van i souf pa pli for mé li avans pli vit labriz.
La nuit i étenn pa lo zour mé zot i suiv inn é lot.
La mor i vol pa la vi mé li kit zis lo kor.
Lo froi i anpèsh pa la shalér dann livèr.
Lanfér si i exis i anpèsh pa kroir somin paradi.
In malèr zordi i interdi pa in bonèr domin.
In lamour fané i éxis touzour kekpar.
Ou la pa trouv amoin mé nou la trouv anou.
Ou la pa rèv amoin mé ou la rèv anou.
Ou la pa èm amoin mé nou la èm anou.
Ou la pa perd amoin mé nou la perd anou.
Ou la pa plèr amoin mé ou la plèr anou.
Mèm san moin ou s'ra touzour ou.
Moin san ou s'ra pli lo mèm!
dimanche 17 septembre 2017
Répons!
Répons té la fo zist savoir lir..
Agard ali kasièt dérièr in sourir...
Brat ali di mi aim aou...
Pa la penn avoir pér domin...
Viv zordi kom si té pou touzour...
Aou, ael, ali, amoin inn mèm.
Napoin rien i ariv par hazar...
Shoisi out larivé apré ta trouv ton somin...
Shoizi out répons dann out liv lanvi.
Ekri ali ek lank out fonnkèr...
Tan néna respé ou pé kontiniyé...
Larm i koul na son rézon pou ésuiyé.
em aou dabor pou aprann èm lé zot.
Napoin limit dann partaz santiman...
Partaz lamour zamé larzan...
Dérièr lo kor lespri i viv...
Dérièr lo kèr lamour i respir...
Dérièr in silans lo brui out konsians...
Dérièr in voi lo mo out té kour dérièr...
Dovan moin néna out lonbraz...
Dovan moin néna lavi...
Agard ali kasièt dérièr in sourir...
Brat ali di mi aim aou...
Pa la penn avoir pér domin...
Viv zordi kom si té pou touzour...
Aou, ael, ali, amoin inn mèm.
Napoin rien i ariv par hazar...
Shoisi out larivé apré ta trouv ton somin...
Shoizi out répons dann out liv lanvi.
Ekri ali ek lank out fonnkèr...
Tan néna respé ou pé kontiniyé...
Larm i koul na son rézon pou ésuiyé.
em aou dabor pou aprann èm lé zot.
Napoin limit dann partaz santiman...
Partaz lamour zamé larzan...
Dérièr lo kor lespri i viv...
Dérièr lo kèr lamour i respir...
Dérièr in silans lo brui out konsians...
Dérièr in voi lo mo out té kour dérièr...
Dovan moin néna out lonbraz...
Dovan moin néna lavi...
dimanche 10 septembre 2017
Shanz...
Shanz mon mond, shanz mon moun.
Shanz amoin, shanz anou.
Atann pa domin, lo zour sé lo zour.
Tir andan mèt déor...
Pran kom i lé pa pou sat ni voudré.
Pran pasians aprési sak instan...
Pran konsians lo tan...
Ièr la fini, astér sé tout suit!
Agard ek lo kèr fini ek lo zié.
Dann lot néna touzour in bout moin.
Shass mon bann démon pout èt moin.
Napoin vérité san kèr i bat.
Napoin vi san partaz lamour.
Napoin moin san ou.
Napoin nou san prézan posib'.
Ièr, astèr, domin sé in sèl zour.
Anou, aou, amoin sé in sèl moun.
Anou, aou, amoin sé in sél moun pou touzour pou in sèl mond!
dimanche 3 septembre 2017
Sat i viv...
La di sat i viv sé sat i kombat.
Sat i avans i pran désiziyon.
I mont lo mur priyèr apré priyèr.
Santiman kont santiman lé dir kom lo rosh.
Lo mo in zarm i ash aou an 4.
Lépé i plann si out tèt pou komba final.
In pié atèr i fo ankor soubat ankor ek touzour.
Demin i apartien ni ou ni moin.
Alor présan in gato la poison san gou ni santiman.
Fé komsi ou la poin anvi renons rien.
Ou voudré arèt lo komba pou gingn soulazman.
Exkiz mon pardon si mi kashièt pou pléré.
Mi mont sat ou vé voir... ièr, zordi...
Mé pou konbien tan ankor simagri-là.
Lèss tonbé out kèr i fé aou la gèr.
Sign la pé kan larm out lam lé tris...
Sé sign ou la finn perd dopi lontan!
Mi lé tro ou bout pou trouv dodo.
Alor mi plann kom in papiyon lanuit...
I rod in somin pou foulkan pou touzour...
Alor sat i mor sé sat la finn perd komba?
dimanche 27 août 2017
Syklonn
Kom in landmin siklonn
Ou fé lo tour agard déga...
Néna sat ou té mazinn...
Néna sat ou voi an promié...
Néna sat ou dékouv tou lé zour...
Néna sat ou nétoiy vit fé....
Nena sat ek lo tan va arpousé....
Néna sat lé fouti définitivman....
Néna sat rienk spésialis i gingn fé in nafér.
Kom i figir landmin kou van....
Dépitasiyon pou ou arkomans tout....
Konstrui, plant pi parey pou évit problém...
Kas ki briz i trap'ra pi ou komsa....
Inn foi mé pa dé foi mèm lérér....
Mé la natir pli for mèm....
Shas ali li arpran son ni...
Dann tourbiyon siklonn-là, riyn i résist...
Kan ou atann pa li lè la devan ou...
Li amport aou si in vals à mil tan...
Out rézon, Out têt, out kèr i shavir...
Akrosh aou kom ou vé tout i vol...
Lamour i tanpét lavi pou kontinu viv...
Lavi i tanpét lamour pou viv lamour an kontinu...
Ou fé lo tour agard déga...
Néna sat ou té mazinn...
Néna sat ou voi an promié...
Néna sat ou dékouv tou lé zour...
Néna sat ou nétoiy vit fé....
Nena sat ek lo tan va arpousé....
Néna sat lé fouti définitivman....
Néna sat rienk spésialis i gingn fé in nafér.
Kom i figir landmin kou van....
Dépitasiyon pou ou arkomans tout....
Konstrui, plant pi parey pou évit problém...
Kas ki briz i trap'ra pi ou komsa....
Inn foi mé pa dé foi mèm lérér....
Mé la natir pli for mèm....
Shas ali li arpran son ni...
Dann tourbiyon siklonn-là, riyn i résist...
Kan ou atann pa li lè la devan ou...
Li amport aou si in vals à mil tan...
Out rézon, Out têt, out kèr i shavir...
Akrosh aou kom ou vé tout i vol...
Lamour i tanpét lavi pou kontinu viv...
Lavi i tanpét lamour pou viv lamour an kontinu...
dimanche 20 août 2017
Apré...
Dann in fénoir mon péron,
Mi lèss la fré angarot amoin
Aforstan lémosiyon mon santiman i transpir.
Lo kèr i fé koul son tro plin
An débordman larm lo zié.
Madam la linn di amoin lo tan.
Di amoin si domin tangaz i sa shavir amoin
Ou si li sa ral pli loin pli for.
Mon kèr i soubat ek son rézon
Pou pa perd pié ek mon réalité.
Napu lo tan pou perd.
Apré ièr zordi.
Apré lapli soley.
Apré larm lo rir.
Apré tristess la joi.
Apré désepoir lespoir.
Apré fénoir lo zour.
Apré la fré, la shalèr.
Apré aou, amoin, anou.
Apré lamour ankor lamour?
Mi lèss la fré angarot amoin
Aforstan lémosiyon mon santiman i transpir.
Lo kèr i fé koul son tro plin
An débordman larm lo zié.
Madam la linn di amoin lo tan.
Di amoin si domin tangaz i sa shavir amoin
Ou si li sa ral pli loin pli for.
Mon kèr i soubat ek son rézon
Pou pa perd pié ek mon réalité.
Napu lo tan pou perd.
Apré ièr zordi.
Apré lapli soley.
Apré larm lo rir.
Apré tristess la joi.
Apré désepoir lespoir.
Apré fénoir lo zour.
Apré la fré, la shalèr.
Apré aou, amoin, anou.
Apré lamour ankor lamour?
dimanche 9 juillet 2017
Touzour...
Lo tan i pass... vit ou tro... ou pa asé... vit...
Pa asé lo tan pou avoir regré...
Pa asé lo tan pou détest aou...
Zist lo tan pou viv...
Zist lo tan pou émé...
Zist lo tan pou souvnir...
Si té fo arfé sat té fé...
Mi arfé ankor é ankor...
Sirman plis mé pa moin....
Aou...Amoin...Anou mèm i koné...
Distans i éloign mé i éfas pa...
Kom in liv ou tourn la paz pou ékri in ot' shapit...
Mé lo zistoir i rest là mèm...
Avek ou san suit...
Viv ... arpran out vi...
Apran viv kom ou ve...
Pa kabab lé mor san ésaiyé...
Alor ésaiy ankor é ankor...
Si o bout i mank in bout...
Si tentasiyon lé touzour là...
Si lo mank i viv an ou...
Si mon voi i koz dan out koko...
Alor out kèr i koné shemin...
Si sé pa zordi, domin ou aprédomin...
Baro mon bra touzour ouvér pou ou!
Touzour...
Pa asé lo tan pou avoir regré...
Pa asé lo tan pou détest aou...
Zist lo tan pou viv...
Zist lo tan pou émé...
Zist lo tan pou souvnir...
Si té fo arfé sat té fé...
Mi arfé ankor é ankor...
Sirman plis mé pa moin....
Aou...Amoin...Anou mèm i koné...
Distans i éloign mé i éfas pa...
Kom in liv ou tourn la paz pou ékri in ot' shapit...
Mé lo zistoir i rest là mèm...
Avek ou san suit...
Viv ... arpran out vi...
Apran viv kom ou ve...
Pa kabab lé mor san ésaiyé...
Alor ésaiy ankor é ankor...
Si o bout i mank in bout...
Si tentasiyon lé touzour là...
Si lo mank i viv an ou...
Si mon voi i koz dan out koko...
Alor out kèr i koné shemin...
Si sé pa zordi, domin ou aprédomin...
Baro mon bra touzour ouvér pou ou!
Touzour...
dimanche 2 juillet 2017
Kompliké
Si dépar lé difisil....
Shemin retour kompliké.
Difisil rantré komsi rien lété.
La rout ankor pli long...
Kom in lanvi prolonj ankor é ankor.
Rest dann in dezord lavil...
Amparmi domoun pou piéj mon tou sél.
Fé dezord marmay pou kouv mon batkér.
Rouv in ot port pou shap mon tramay.
Pli for, pli vit touzour plis.
Mé amoin mém touzour moin.
Na foi ou avans mé ou anfons kan mèm.
Soubat kont out bébét.
Soukouiy farfar out ker
Pou soiyn out lespri kabosé.
In Dernié pou la rout.....
Touzour in Dernié....
In kours san fin kont ou mèm.
Poin dépar san arivé...
Poin moin san ou...
Shemin retour kompliké.
Difisil rantré komsi rien lété.
La rout ankor pli long...
Kom in lanvi prolonj ankor é ankor.
Rest dann in dezord lavil...
Amparmi domoun pou piéj mon tou sél.
Fé dezord marmay pou kouv mon batkér.
Rouv in ot port pou shap mon tramay.
Pli for, pli vit touzour plis.
Mé amoin mém touzour moin.
Na foi ou avans mé ou anfons kan mèm.
Soubat kont out bébét.
Soukouiy farfar out ker
Pou soiyn out lespri kabosé.
In Dernié pou la rout.....
Touzour in Dernié....
In kours san fin kont ou mèm.
Poin dépar san arivé...
Poin moin san ou...
dimanche 25 juin 2017
Météo fonnkèr!
Lapli i tonm i vers son lémosiyon si moin.
I fé koul santiman si mon kor.
In farinn i fann in pousièr lo dout.
In gout i perl kom in larm si mon figir.
In bezman lapli i fé débord kolèr dann fon mon kèr,
Kan in ti brinn i soulaz mon shalér.
Lo van i souf i kapot mon koko dovan dériyèr,
Kan soley i pers niaz kom santiman i fé lèv amoin.
Si soley i shof,
Si lo van i shavir,
Si la pli i tonm,
Santiman i bord lo tan.
Tanto ou ri,
Tanto ou trakass,
Tanto ou plèr,
Mé dan tout tanto aim lavi.
Trakass, plèr, ri lé komsa.
Batay pou lavi mé lit pa kont out santiman.
Laiss ali sorti, laiss ali fé son vi.
I fé koul santiman si mon kor.
In farinn i fann in pousièr lo dout.
In gout i perl kom in larm si mon figir.
In bezman lapli i fé débord kolèr dann fon mon kèr,
Kan in ti brinn i soulaz mon shalér.
Lo van i souf i kapot mon koko dovan dériyèr,
Kan soley i pers niaz kom santiman i fé lèv amoin.
Si soley i shof,
Si lo van i shavir,
Si la pli i tonm,
Santiman i bord lo tan.
Tanto ou ri,
Tanto ou trakass,
Tanto ou plèr,
Mé dan tout tanto aim lavi.
Trakass, plèr, ri lé komsa.
Batay pou lavi mé lit pa kont out santiman.
Laiss ali sorti, laiss ali fé son vi.
dimanche 18 juin 2017
Pran mon min...
Pran mon min...Lèss amoin zoué dan out sheve...
Pran mon min...Lèss amoin karess out po...
Pran mon min...Lèss amoin fé lo tour out zorey...
Pran mon min...Lèss amoin digdig aou...
Pran mon min...Lèss amoin grat out do...
Pran mon min...Lèss amoin désinn out sourir...
Pran mon min...Lèss amoin esui out larm lo zié...
Pran mon min...Lèss amoin aid aou relèv aou.
Pran mon min...Lèss amoin ékri pou ou...
Pran mon min...Lèss amoin invit aou dansé...
Pran mon min...Lèss amoin fé la grimass pou ou rir...
Pran mon min...Lèss amoin fé manzé pou ou...
Pran mon min...Lèss amoin shant pou ou...
Pran mon min...Lèss amoin ser out ansh...
Pran mon min...Lèss amoin poz ali si out out kèr ...
Pran mon min...Lèss amoin amènn aou demin...
Pran mon min é tienbo ali for...
Pran mon min é larg pa li...
Pran mon min...donn amoin la vot!
Pran mon min...Lèss amoin karess out po...
Pran mon min...Lèss amoin fé lo tour out zorey...
Pran mon min...Lèss amoin digdig aou...
Pran mon min...Lèss amoin grat out do...
Pran mon min...Lèss amoin désinn out sourir...
Pran mon min...Lèss amoin esui out larm lo zié...
Pran mon min...Lèss amoin aid aou relèv aou.
Pran mon min...Lèss amoin ékri pou ou...
Pran mon min...Lèss amoin invit aou dansé...
Pran mon min...Lèss amoin fé la grimass pou ou rir...
Pran mon min...Lèss amoin fé manzé pou ou...
Pran mon min...Lèss amoin shant pou ou...
Pran mon min...Lèss amoin ser out ansh...
Pran mon min...Lèss amoin poz ali si out out kèr ...
Pran mon min...Lèss amoin amènn aou demin...
Pran mon min é tienbo ali for...
Pran mon min é larg pa li...
Pran mon min...donn amoin la vot!
dimanche 11 juin 2017
Lèss la lang kozé.
Lèss la lang kozé...
Kan lo mo i maiy
Ou rant dan mon tèt
Kom in karès i pe fé lèv frison si in po
Alor dann oui napoin batay.
Alor out pansé i déplas frontièr in réfléksiyon.
Napoin limit sinon sat mi té pe maziné.
Dann in kozé pou in sobatkoz
Lo mo i trok inn pou inn.
Tourné viré mi shanz pozisiyon.
Ni arfé lo mond mé ni shanz pa domoun.
Si ou lé sat ou lé.
Mi lé pa par degré.
Alor oui ni fé sat nou défé.
Alon fé sat nou té pou di.
Pars lo mo pou lo mo napoin sans.
Koz kozé mon lang napoin lozo.
Mon laksiyon néna touzour son refléksiyon.
Alon lèss la lang kozé.
Kan lo mo i maiy
Ou rant dan mon tèt
Kom in karès i pe fé lèv frison si in po
Alor dann oui napoin batay.
Alor out pansé i déplas frontièr in réfléksiyon.
Napoin limit sinon sat mi té pe maziné.
Dann in kozé pou in sobatkoz
Lo mo i trok inn pou inn.
Tourné viré mi shanz pozisiyon.
Ni arfé lo mond mé ni shanz pa domoun.
Si ou lé sat ou lé.
Mi lé pa par degré.
Alor oui ni fé sat nou défé.
Alon fé sat nou té pou di.
Pars lo mo pou lo mo napoin sans.
Koz kozé mon lang napoin lozo.
Mon laksiyon néna touzour son refléksiyon.
Alon lèss la lang kozé.
dimanche 4 juin 2017
dimanche 28 mai 2017
Monmon.. Promié...
Promié tété ou kri monmon.
Promié bibron ou rod monmon.
Promié somey dann bra monmon.
Promié popo pou monmon.
Promié ti pa ek monmon.
Promié Kozé : monmon.
Promié boushé pou monmon.
Promié paminn fé pou monmon.
Promié tonbé plèr ek monmon.
Promié gaté pou monmon.
Promié zié dou ek monmon.
Promié sékré i di monmon.
Promié shagrin mersi monmon.
Promié kou kongn lavi : monmon.
Promié traka travay i rod monmon.
Promié lamour monmon.
Promié pou lavi: monmon.
Promié pou èm aou : monmon.
Dernié sar touzour la pou ou monmon.
Promié partou toultan: monmon.
Monmon mi èm aou touzour kom dann promié.
Promié, dernié, in sèl ker: monmon.
Promié bibron ou rod monmon.
Promié somey dann bra monmon.
Promié popo pou monmon.
Promié ti pa ek monmon.
Promié Kozé : monmon.
Promié boushé pou monmon.
Promié paminn fé pou monmon.
Promié tonbé plèr ek monmon.
Promié gaté pou monmon.
Promié zié dou ek monmon.
Promié sékré i di monmon.
Promié shagrin mersi monmon.
Promié kou kongn lavi : monmon.
Promié traka travay i rod monmon.
Promié lamour monmon.
Promié pou lavi: monmon.
Promié pou èm aou : monmon.
Dernié sar touzour la pou ou monmon.
Promié partou toultan: monmon.
Monmon mi èm aou touzour kom dann promié.
Promié, dernié, in sèl ker: monmon.
dimanche 21 mai 2017
Papiyon
Asoir mon pansé lé lejé kom in zel papiyon.
Li dekol pou poz ali koté ou.
Ki koté oulé mi rèv èt.
Kom in papang i plann dann siel
Mi ve fons trap aou dan mon bra.
Ser aou for, mon manzé pou lo ker.
Kom in lonbraz ou shap.
Mi gingn pa kapay aou..
Alor mi tourn mi vir san fin.
Goni vid i tien pa debout.
Piké o vif, ker korshé i sèign.
Malisé, sa té pa in planaj.
Dann in vol plané latérisaj difisil.
Retour su ter mon dé pat i tranm.
Mi sekouy mon zèl i perd la plim.
Lo vid i fé plonj amoin.
Résist lo van kontrèr.
Lo pozé i atir amoin ver ou ankor.
Vol! Va! Vi! Mé arvien.
Li dekol pou poz ali koté ou.
Ki koté oulé mi rèv èt.
Kom in papang i plann dann siel
Mi ve fons trap aou dan mon bra.
Ser aou for, mon manzé pou lo ker.
Kom in lonbraz ou shap.
Mi gingn pa kapay aou..
Alor mi tourn mi vir san fin.
Goni vid i tien pa debout.
Piké o vif, ker korshé i sèign.
Malisé, sa té pa in planaj.
Dann in vol plané latérisaj difisil.
Retour su ter mon dé pat i tranm.
Mi sekouy mon zèl i perd la plim.
Lo vid i fé plonj amoin.
Résist lo van kontrèr.
Lo pozé i atir amoin ver ou ankor.
Vol! Va! Vi! Mé arvien.
dimanche 14 mai 2017
Ou pe... mé...
Ou pe abit mon pansé...
Mé zamé ou va détrui mon volonté.
Ou pe dout mon sinsérité...
Mé i shanz arpa kisa mi lé.
Ou pe juj amoin su mon laparans...
Mé mon fon kèr i koné son vérité.
Ou pe di sat ou vé...
Mé lé fé lé pli for lo mo.
Ou pe prann amoin de o...
Mé mi gard mon pié su tèr.
Ou pe étènn la limièr...
Mé ma ralim in ti fanal.
Ou pe ashèt sat ou vé...
Mé mon lespri lé san pri.
Ou pe utiliz la fors...
Mé mi larg arpa lokor.
Ou pe anferm amoin...
Mé mon lespri lé lib.
Ou pe kombat amoin..
Mé pe soubat ek ou.
Ou pe... oui ou pe...
Mé mi pe.... ankor... mi pe ankor...plis!
dimanche 7 mai 2017
Miroir...
Miroir mon bo miroir...
Miroir mon bo miroir ou la di amoin pli for amoin mèm pli bo.
Miroir mon bo miroir na riyn ou mèm i koné lo fon mon kèr.
Miroir mon bo miroir aou i voi kan mi ésui mon dé larm;
Miroir mon bo miroir asoir mi anfil mon pli bo kabay pou fé le tégor.
Miroir mon bo miroir, mont pa tout gard sa sekré ant nou.
Miroir mon bo miroir kombien foi ou la déform mon vérité.
Miroir mon bo miroir mon royom in péi ravazé.
Miroir mon bo miroir fé reflèt mon pli bo sourir.
Miroir mon bo miroir aou mèm i désid.
Miroir mon bo miroir aou amoin.
Miroir mon bo miroir amoin aou.
Miroir mon bo miroir ou la di amoin pli for amoin mèm pli bo.
Miroir mon bo miroir na riyn ou mèm i koné lo fon mon kèr.
Miroir mon bo miroir aou i voi kan mi ésui mon dé larm;
Miroir mon bo miroir asoir mi anfil mon pli bo kabay pou fé le tégor.
Miroir mon bo miroir, mont pa tout gard sa sekré ant nou.
Miroir mon bo miroir kombien foi ou la déform mon vérité.
Miroir mon bo miroir mon royom in péi ravazé.
Miroir mon bo miroir fé reflèt mon pli bo sourir.
Miroir mon bo miroir aou mèm i désid.
Miroir mon bo miroir aou amoin.
Miroir mon bo miroir amoin aou.
dimanche 30 avril 2017
Lèss amoin alé....
Lèss amoin alé lot koté miroir...
Mon stylo lé paré pou ékri in nouvo shapit...
Ral pa moin dériyèr ankor é ankor..
Sirman rien s'ra zamé pi parey..
Sirman mi sar gingn kou kongn ...
Mé lèss amoin alé voir lot koté...
Lo vid i fé pèr mé lo promié pa pli difisil...
Kom in robo i fo avansé touzour pou rest vivan...
Gard in kou zié si rétro pou pa oubli lo pasé..
Mé la rout' dovan lé ankor pli importan...
Dann kroizé shemin tout direksiyon lé posib'...
Mé marsh arièr lé interdi..
Alé à gosh, à droit', droit' dovan mé avans...
Alé pli loin avan voir si néna pou fé demitour.
Dan lo vid i trouv plito kestiyon...
Tout répons lé zamé définitif...
Kan nora pou pléré, plèr!
Kan nora pou rir, ri!
Kan nora pou émé, èm.
Mié vo soufrir akoz lamour plito soufrir san zamé émé.
dimanche 23 avril 2017
Pou in kozman...
Pou in kozman in pé i voudré anjol amoin.
Mé parsk mon kozé mon zarm,
Mon stilo, in savoir kont sat i oubli ki koté zot zombriy té koupé.
Ma desann dann fon lilèt manz maniok, patat apré lékol.
Ma mont dann bourbié rod in tigazon lakaz matant.
Parsk dann mon malisé, domoun la ni mèt la min ansanm.
Parsk dann fon mon mémoir gran mèr té di:" fransh vérité"!
Mi tienbo mi larg pa lo fil mon komba.
Mon liberté ékri rampar kont profitèr.
Mon napoin lapèr, mi néna in plin konsians.
Mi apèl pa Adekalom.
Amoin mèm B.R.
Dofé dann kann son konsey.
Mi réfiz rant dann ron krèv la boush ouvér.
Ma amènn mon zanimo dovan tribinal.
Na poin dé galé dann mon min mé in klavié.
Gèt mon kozé fransé fé mont zamal dé troi
Dési la tèr St- Benoît Bolié, mon rasinn.
Mon parol gongon lasoufrans pou dé troi maloki?
Mon fizi i tir lo mo pou servis réiyoné.
Mon lang napoin lo zo i bouz ankor.
Laviyon léta fransé zèl papang va manz mon fraz?
Banm kalou banm! Banm kalou banm!
Anon...
dimanche 16 avril 2017
Fé rir amoin!!
Fé rir amoin , fé rir amoin...
Fé rir amoin an transh papay.
Fé rir amoin pou gingn mal o vant.
Fé rir amoin ek out kouyonis.
Fé rir amoin ek out rir.
Fé rir amoin ek out zié la malis.
Fé rir amoin ek out kozamn la blag.
Fé rir amoin ek out parol foutan bien plasé.
Fé rir amoin ek out bann desin.
Fé rir amoin ek out bann zidé bizar.
Fé rir amoin ek out dégizman karnaval.
Fé rir amoin ek out ban vié foto.
Fé rir amoin ek out pat gosh.
Fé rir amoin ek out bann surpriz.
Fé rir amoin ek out bann karess.
Fé rir amoin ek out bann giligili.
Fé rir amoin ek out kèr.
Fé rir amoin, mi AMUZ!
Fé rir amoin matin, midi, soir.
Fé rir amoin, fé rir amoin, fé rir amoin, fé rir amoin ankor ek touzour...
Fé rir amoin an transh papay.
Fé rir amoin pou gingn mal o vant.
Fé rir amoin ek out kouyonis.
Fé rir amoin ek out rir.
Fé rir amoin ek out zié la malis.
Fé rir amoin ek out kozamn la blag.
Fé rir amoin ek out parol foutan bien plasé.
Fé rir amoin ek out bann desin.
Fé rir amoin ek out bann zidé bizar.
Fé rir amoin ek out dégizman karnaval.
Fé rir amoin ek out ban vié foto.
Fé rir amoin ek out pat gosh.
Fé rir amoin ek out bann surpriz.
Fé rir amoin ek out bann karess.
Fé rir amoin ek out bann giligili.
Fé rir amoin ek out kèr.
Fé rir amoin, mi AMUZ!
Fé rir amoin matin, midi, soir.
Fé rir amoin, fé rir amoin, fé rir amoin, fé rir amoin ankor ek touzour...
dimanche 9 avril 2017
Si mi mor..
Si mi mor sé pars rien lé éternèl...
Si mi mor véiy dofé sou marmit..
Si mi mor partaz in gazon pou moin..
Si mi mor boir in kou pou moin...
Si mi mor koup gato mon plas...
Si mi mor kraz in maloya pou moin...
Si mi mor shant in pé pou moin..
Si mi mor zoué in pé domino pou moin..
Si mi mor fé koul in ti kafé pou moin...
Si mi mor voiyaz in pé pou moin..
Si mi mor lèss la lang bat...
Si mi mor gaspi pa larzan dann serkeiy...
Si mi mor ambrass amoin in kou...
Si mi mor véiy si mon ti zarlor...
Si mi mor fé kado mon kor..
Si mi mor mi fé kado azot mon vi..
Si mi mor kontiniyé batay pou lessensiyèl...
Si mi mor oubli pa moin tro vit'..
Si mi mor brat azot pou èm azot...
Si mi mor véiy inn si lot...
Si mi mor mi s'ra zamé bien loin...
Si mi mor ma kontiniyé véiy si zot...
Si mi mor oubli pa mi té èm azot...
Si mi mor plèr pa tro, lèss shagrin alé...
Si mi mor mazinn domin gard pi dériyèr...
Si mi mor lèss la vi viv ankor...
Si mi mor... lo pli tar possib'
Si mi mor véiy dofé sou marmit..
Si mi mor partaz in gazon pou moin..
Si mi mor boir in kou pou moin...
Si mi mor koup gato mon plas...
Si mi mor kraz in maloya pou moin...
Si mi mor shant in pé pou moin..
Si mi mor zoué in pé domino pou moin..
Si mi mor fé koul in ti kafé pou moin...
Si mi mor voiyaz in pé pou moin..
Si mi mor lèss la lang bat...
Si mi mor gaspi pa larzan dann serkeiy...
Si mi mor ambrass amoin in kou...
Si mi mor véiy si mon ti zarlor...
Si mi mor fé kado mon kor..
Si mi mor mi fé kado azot mon vi..
Si mi mor kontiniyé batay pou lessensiyèl...
Si mi mor oubli pa moin tro vit'..
Si mi mor brat azot pou èm azot...
Si mi mor véiy inn si lot...
Si mi mor mi s'ra zamé bien loin...
Si mi mor ma kontiniyé véiy si zot...
Si mi mor oubli pa mi té èm azot...
Si mi mor plèr pa tro, lèss shagrin alé...
Si mi mor mazinn domin gard pi dériyèr...
Si mi mor lèss la vi viv ankor...
Si mi mor... lo pli tar possib'
dimanche 2 avril 2017
Dodo.....
Néna zour komsa i vo mié éténn tout.
Ekout pa out kèr, out rézon sinonsa out dérézon.
Kom in kabay tro larz pou ou.
Tanto dan out vi ou flot, tanto ou koul , tanto ou dékol.
Niabou frot', frot' out koko ek out dé min.
Out pansé i dovien pa pli klér ni i éfas.
Napoin rien i ralim ti fanal dan fon out zié.
Ziska out dé larm i vé pi koulé.
Ou voudré kronm la vi mé kom si on diré out dan lé tro tann.
San gou ni santiman ou aval zour é nuit'.
Ou gard dovan pou esaiy atrap domin.
Li fil ant out doi kom in limièr soley.
I fo mié la pli i tonm for pou ratrap somey.
Linstan ral in karang mazinasiyon i rèv tousèl
San ou dan in bordaz in li tro gran.
Mi rèv in dodo kom ti baba tann.
Mi rèv, mi rèv, mi rèv...
Ekout pa out kèr, out rézon sinonsa out dérézon.
Kom in kabay tro larz pou ou.
Tanto dan out vi ou flot, tanto ou koul , tanto ou dékol.
Niabou frot', frot' out koko ek out dé min.
Out pansé i dovien pa pli klér ni i éfas.
Napoin rien i ralim ti fanal dan fon out zié.
Ziska out dé larm i vé pi koulé.
Ou voudré kronm la vi mé kom si on diré out dan lé tro tann.
San gou ni santiman ou aval zour é nuit'.
Ou gard dovan pou esaiy atrap domin.
Li fil ant out doi kom in limièr soley.
I fo mié la pli i tonm for pou ratrap somey.
Linstan ral in karang mazinasiyon i rèv tousèl
San ou dan in bordaz in li tro gran.
Mi rèv in dodo kom ti baba tann.
Mi rèv, mi rèv, mi rèv...
dimanche 26 mars 2017
Touzour...
Touzour pli loin, mé touzour pli pré.
Touzour plis an moin, touzour pli for.
Ou voyaz loin... dann mon pansé.
Ou transport amoin... lot koté lamèr.
La vi in voyaz san paspor.
Pourtan isi atèr-là mi atann aou.
Akoz mi koné pa mi espèr...touzour!
Dérièr in port in ot shemin?
San atann in ot vi lé possib?
San nou atann, kroiz nout vi?
Dann in rir, in batman lo zié
Inposib résisté, nou néna in sèl vi.
Tantasiyon lé for, résité lé dur.
Shass démon, shass lo dout'!
Fé rant lespoir, fé rant santiman.
Laiss lo kèr bat, laiss la vi viv!
Touzour plis aou, touzour plis amoin...
Touzour plis anou?
Touzour? Ankor?
In sél vi...
dimanche 19 mars 2017
Infini!
Lo tan lé infini é pourtan....
Kom bloqué dann in présan.
Imposib' pou ou mazinn fitir.
Akoz? Kom avalé par out pasé...
Boir, manzé, dormi lé kom respiré sign lavi... sign èt anvi?
Out bouzaraon lé vid..
Out gorz mèm pa soif...
Dormi out lespri i réfiz!
Out kèr i bat pi an ritm.
Tanto li aksélèr, tanto li ralanti...
Tanto ou mazinn ali i arèt.... donn in soulazman?
An parmi domoun ou san aou bien sèl.
Lo bri kom in manir shap lo tramay.
Lespri vavangèr i détak lokor.
Bouz, bouz, bouz, arèt sirtou pa.
Sinon? Traka i arpran son plas.
Li zigil aou pou pous aou o bout.
Li digdig out malizé ankor, ankor, ankor...
Ou vé pa laiss aou aspiré dan fon...
Lo trou lé zamé asé profon ou désann mèm.
Infini, infini... kan i fini...?
Sar tan!
Kom bloqué dann in présan.
Imposib' pou ou mazinn fitir.
Akoz? Kom avalé par out pasé...
Boir, manzé, dormi lé kom respiré sign lavi... sign èt anvi?
Out bouzaraon lé vid..
Out gorz mèm pa soif...
Dormi out lespri i réfiz!
Out kèr i bat pi an ritm.
Tanto li aksélèr, tanto li ralanti...
Tanto ou mazinn ali i arèt.... donn in soulazman?
An parmi domoun ou san aou bien sèl.
Lo bri kom in manir shap lo tramay.
Lespri vavangèr i détak lokor.
Bouz, bouz, bouz, arèt sirtou pa.
Sinon? Traka i arpran son plas.
Li zigil aou pou pous aou o bout.
Li digdig out malizé ankor, ankor, ankor...
Ou vé pa laiss aou aspiré dan fon...
Lo trou lé zamé asé profon ou désann mèm.
Infini, infini... kan i fini...?
Sar tan!
dimanche 12 mars 2017
Napi respé, napi valèr?
Plantèr i gèt la linn koté Lérop.
Péshèr i rant kanot shinoi o por.
Montagn mon péï patrimoinn mondial.
Maloya produi imatérièl Unesco.
Zamé été kabab désidé an pèp lib.
Oblizé touzour demann lotorisasiyon.
Mêm gran minis kostim i pli la ké.
Pa kapab fé dabor pou nou avant kour dérièr lé zot.
Ek sibvansiyon i plèr dérièr tourist pou vann nout péï.
Travayèr i vann son kouraz gro patron, i kri son kamarad asisté.
I voi pa patron sibvantiyoné i pèz ali atèr.
Kri pa tro for sinon néna i atann dérièr la port.
An 4 par 4 nou aval mèm anndan.
Whisky sinon loto pou abouti nout konsians.
Vann, tout i vann, i fo bien viv.
Koméla gramoun i boir lo kou dovan la boutik ek jènn marmay.
Pou in sigarèt i ral lo kont foutor.
Marmay i fé zanfan pou mèt si livré la kaf.
I fo néna troi pou fanm sèl gingn in kaz.
Systèm i pouri domoun kont asistans piblik.
I fé zanfan, i rod in kaz é apré in travay ek Mr lo mèr.
Ni marsh si la tèt, la tèr i tourn a lanvèr.
Ni oubli viv la valèr nout posh.
Mi lé oki mé mi vé voyaz kom mon kamarad.
Kont in ti kontra mi vann mon vot.
La mizèr noir napi zinité i kri aiy phone.
Kozman la boush sal i larg sa dovan marmay.
Ti kaniki ek son bibron rampli coca, lo né i koul.
Pa grav talèr na amènn ali koifé fé son krèt Dimitry.
Pa grav si marmay i ékout pa tan li la manzé la kantinn.
Koz pa si mon zarlor li pa sort ek ou.
Son mové manir sé parsk ou èm pa li.
Ni koul é kapitènn lotèr si la mèr lé mové.
Pourtan foutor nou lé dann lo mèm bato fol.
Ousa banna la finn ral anou komsa.
Kalkil pi nout ti péï koman i lé.
Shakènn i rod son manir pou levé.
Napi respé, napi valèr?
I fo sov sak i rest?
Péshèr i rant kanot shinoi o por.
Montagn mon péï patrimoinn mondial.
Maloya produi imatérièl Unesco.
Zamé été kabab désidé an pèp lib.
Oblizé touzour demann lotorisasiyon.
Mêm gran minis kostim i pli la ké.
Pa kapab fé dabor pou nou avant kour dérièr lé zot.
Ek sibvansiyon i plèr dérièr tourist pou vann nout péï.
Travayèr i vann son kouraz gro patron, i kri son kamarad asisté.
I voi pa patron sibvantiyoné i pèz ali atèr.
Kri pa tro for sinon néna i atann dérièr la port.
An 4 par 4 nou aval mèm anndan.
Whisky sinon loto pou abouti nout konsians.
Vann, tout i vann, i fo bien viv.
Koméla gramoun i boir lo kou dovan la boutik ek jènn marmay.
Pou in sigarèt i ral lo kont foutor.
Marmay i fé zanfan pou mèt si livré la kaf.
I fo néna troi pou fanm sèl gingn in kaz.
Systèm i pouri domoun kont asistans piblik.
I fé zanfan, i rod in kaz é apré in travay ek Mr lo mèr.
Ni marsh si la tèt, la tèr i tourn a lanvèr.
Ni oubli viv la valèr nout posh.
Mi lé oki mé mi vé voyaz kom mon kamarad.
Kont in ti kontra mi vann mon vot.
La mizèr noir napi zinité i kri aiy phone.
Kozman la boush sal i larg sa dovan marmay.
Ti kaniki ek son bibron rampli coca, lo né i koul.
Pa grav talèr na amènn ali koifé fé son krèt Dimitry.
Pa grav si marmay i ékout pa tan li la manzé la kantinn.
Koz pa si mon zarlor li pa sort ek ou.
Son mové manir sé parsk ou èm pa li.
Ni koul é kapitènn lotèr si la mèr lé mové.
Pourtan foutor nou lé dann lo mèm bato fol.
Ousa banna la finn ral anou komsa.
Kalkil pi nout ti péï koman i lé.
Shakènn i rod son manir pou levé.
Napi respé, napi valèr?
I fo sov sak i rest?
dimanche 5 mars 2017
Viv!
Shak foi ma la tonbé la fé mal amoin.
Shak foi ma la tromp amoin mi té sur fé le bon shoi.
Shak foi ma la pleré mi té sinsèr.
Shak foi ma la relèv amoin ma la aprann trouv la fors.
Shak foi dérièr mon shoi ma la aprann su moin.
Shak foi aprè pleré ma la arpran ri pou in rien.
Shak foi mi té touzour moin mêm.
Shak foi ma la respekt mon bann prinsip.
Shak foi ma la zamé voulu fé mal.
Shak foi ma la touzour voulu partaz lamour.
Shak foi in sèl shemin sèl lo kèr.
Shak foi in sèl vérité: viv.
Shak foi viv san renonsman.
Shav viv san regré.
Shak foi viv.
Shak foi ma la tromp amoin mi té sur fé le bon shoi.
Shak foi ma la pleré mi té sinsèr.
Shak foi ma la relèv amoin ma la aprann trouv la fors.
Shak foi dérièr mon shoi ma la aprann su moin.
Shak foi aprè pleré ma la arpran ri pou in rien.
Shak foi mi té touzour moin mêm.
Shak foi ma la respekt mon bann prinsip.
Shak foi ma la zamé voulu fé mal.
Shak foi ma la touzour voulu partaz lamour.
Shak foi in sèl shemin sèl lo kèr.
Shak foi in sèl vérité: viv.
Shak foi viv san renonsman.
Shav viv san regré.
Shak foi viv.
dimanche 26 février 2017
Zékli lamour
Dann milié in nuit, si in lèr in mizik,
Mon lespri i vavang partou.
Lo brui vag la mèr i klak dann mon koko.
In parol kom pou shersh lo mo si lo mo.
Lespri sar loin i arpas lo film ièr.
La min i tranm pou mazinn ékri la vi domin.
Dépitasiyon i ravinn mon kor an traka.
Kom in lanvi laiss alé, renonsé.
Pourtan ou té kroi aou pli for sa.
Ou té finn maziné tout konsékans out désiziyon.
Gozié i sèr in lémosiyon dann in ver tro for.
La fimé i boukann pou sash mové pansé.
Tout i paré tro gran , tro vid, tro kalm.
La lang i tourn 7 foi mé napoin pou kozé.
Marmit lé vid napi manzé pou lokèr.
Nou dé goni vid té tien pi dobout.
Nout kanèt lo zié i évit kroiz ansanm.
Larm i koul an zékli lamour fini.
dimanche 19 février 2017
Kèr bakapan!
Kom si kan mon kèr lé mavouz lanvi mèt lo mo si lo mo té pli for.
Kom si navé poin moiyin ekri ek sourir kan tout té bien.
Plis i fé mal, plis lespri lé tortiré! Plis lo mo i koul santiman noir si blan.
Kel koulèr? Noir traka? Rouz la ont? Zonn soley pou briyé? Blé la mer ek lo sièl pou èt natirèl? Blan pirté ti baba? Ver la kolèr?
Lo kèr in bakapan i boir tout sat i donn ali ziska moizi i mont dési pou abouti kom in boubou. Telman mir i fini pété, lo pi i koul ek son mové lodèr.
Lamour in bézér paké? I vann aou son kozman kom parol béni bondié.
Si largamass out larm i sek pa mé out kèr ek out kor i désharm bout par bout.
Détak la lang pou démavouz lo kèr panié persé si shomin lavi.
Brat amoin pou rest dobout an parmi domoun, pou partaz in kari soular dann bordaz in vi malizé.
Mèt in pé mazanbron pou soign in fonnker an boubou la krout lé malizé dékrok ali.
La vi in soso su fé. Véiy ali pou pa bril ali tro vit'!
dimanche 12 février 2017
Dalon pou toultan!
Dalon néna soir komsa mi noré anvi ou lé pa loin pou moin voir aou.
Dalon néna soir komsa ousa out bon kèr i mank amoin.
Dalon néna soir komsa ou out linsousians noré tir amoin in rir transh papay.
Dalon néna soir komsa ou mi noré bezoin aou mèm in gran zourné.
Dalon néna soir komsa mi noré bien refé "le monde" ek ou.
Dalon néna soir komsa ousa out bann ti blag bien plasé noré bien remèt amoin droit.
Dalon néna soir komsa mi gingn pa pran téléfonn pou koz ek ou.
Dalon néna soir komsa ou noré trouv in solisiyon mêm pou fé arèt la pli.
Dalon néna soir komsa dann rosh ou noré tir dolo.
Dalon noré soir komsa avan mi koz ou noré fine lir an moin.
Dalon noré soir komsa ou s'ré plis mon dalon.
Dalon noré soir komsa mi noré oublié pou kosa ma la ni voir aou.
Dalon noré soir komsa mi koné akoz nou lé dalon.
Dalon noré soir komsa ousa ou mank amoin.
Dalon noré soir komsa dalon lavi s'ré diféran.
Dalon noré soir komsa la nuit s'ré pli kourt.
Dalon noir soir komsa zétoil noré tro briyé.
Dalon noré soir komsa mi noré bien plèr dan out bra.
Dalon noré soir komsa ousa mi rod aou plis ankor.
Dalon noré soir komsa, noré dalon komsa....!
dimanche 5 février 2017
Koman? Akoz?
Oté momon koman mi sar fé pou di aou asoir mon kèr i sègn.
Oté la sèr koman mi sar di di aou prèt amoin out zépol pou plèr déssi.
Oté kouzinn koman mi sar fé pou demann aou rouv gran out bra pou brat amoin.
Oté lo frèr koman mi sar fé pou di aou anon bat in karé pou fé lo vid.
Oté kouzin koman mi sar fé pou di aou alon an parti ek in bon manzé pou kass lé kui.
Oté tonton koman mi sar fé pou di aou traka mi lé dan.
Oté matant koman mi sar fé pou di aou ma la bezoin in kou min.
Oté dalon koman mi sar fé pou di aou lé pli simpl koz ek ou plito mon famiy.
Oté doktèr koman mi sar fé pou paiy aou pou ékout amoin.
Oté akoz dé foi lé pli fasil koz ek zinkonu plito son prop san.
Oté akoz mon tèt i gingn pa fé sat son kèr i di ali.
Oté akoz parol bondié i pass si nou kom féiy sonz kan nou lé bien.
Oté akoz dan malizé mon prièr i gingn pa di mersi i doman.
Oté akoz la nuit somey i pèz aou mé i ariv pa tènn mazinasiyon dann koko.
Oté akoz nou gingn pa viv simpl, nou komplik tout'.
Oté akoz nou gign pa di mi aim aou tou lé zour.
Oté akoz on diré lé pli fasil sèm lo mal plito lo bien.
Oté akoz tout domoun i kri zot famiy esensièl é pourtan...
Oté akoz lamour i fini touzour par fé mal to ou tar?
Oté la sèr koman mi sar di di aou prèt amoin out zépol pou plèr déssi.
Oté kouzinn koman mi sar fé pou demann aou rouv gran out bra pou brat amoin.
Oté lo frèr koman mi sar fé pou di aou anon bat in karé pou fé lo vid.
Oté kouzin koman mi sar fé pou di aou alon an parti ek in bon manzé pou kass lé kui.
Oté tonton koman mi sar fé pou di aou traka mi lé dan.
Oté matant koman mi sar fé pou di aou ma la bezoin in kou min.
Oté dalon koman mi sar fé pou di aou lé pli simpl koz ek ou plito mon famiy.
Oté doktèr koman mi sar fé pou paiy aou pou ékout amoin.
Oté akoz dé foi lé pli fasil koz ek zinkonu plito son prop san.
Oté akoz mon tèt i gingn pa fé sat son kèr i di ali.
Oté akoz parol bondié i pass si nou kom féiy sonz kan nou lé bien.
Oté akoz dan malizé mon prièr i gingn pa di mersi i doman.
Oté akoz la nuit somey i pèz aou mé i ariv pa tènn mazinasiyon dann koko.
Oté akoz nou gingn pa viv simpl, nou komplik tout'.
Oté akoz nou gign pa di mi aim aou tou lé zour.
Oté akoz on diré lé pli fasil sèm lo mal plito lo bien.
Oté akoz tout domoun i kri zot famiy esensièl é pourtan...
Oté akoz lamour i fini touzour par fé mal to ou tar?
mardi 24 janvier 2017
Eskiz mon pardon...
Eskiz mon pardon sat la arivé. Tousala lété pa kalkilé. La arivé sat la arivé. Le tan la passé, limièr dann fon nout zié la étènn kom in bouzi. Sourir dann bor nout lèv la sek kom la pay dann périod sésress. Dofé la pran andan la bril nout lamour an fimé astèr la pou fé plèr nout zié son larm malizé an kaskad. Zamé mi noré maziné noré ariv anou sa. Apré tout santié nou la traversé, lo pié korshé ek ver boutey nou lavé touzour trouv la fors pou avansé ansanm. Mi agard ièr ek tristess mé an mèm tan mi lé fièr sat nou la fé ansanm. Zordi nout kèr i sèr, nout larm i koul kom volkan si falèz i krash son kolèr. Domin nou mazinn pa li sitantelman nou koné pa koman viv inn san lot. Pourtan zordi nou gingn pi mènn nout vi kom nou té vé ansanm. Ou kom moin nou koné sat lavé dann lo kèr inn é lot. Out foli mon foli. Mon lèr tro sérié in larmir kont moin mèm. Angajé dan nout vi kom in kondisiyon pou viv kom nou té vé. Dé montagn i kroiz pa mé dé moun si. Si pré é si loin si la fin mé zamé bien loin kan i fodra pou ti zarlor zié ron. Lavi lé traversé ek shemin i sava dann tout direksiyon. Tombé i fé mal mé mi gard espoir domin shakinn va artrouv la limièr, sourir dan bor son lèv parsk napoin lo shoi pou dé kombatan la vi kom nou. Si lo kèr i vé bat, lèss ali bat, si lo zié i vé pléré lèss ali pléré parsk ali mèm nout shemin kroi ver in ot vi.
Inscription à :
Articles (Atom)